FƏTTAH HEYDƏROV: "HEYDƏR ƏLİYEV NURU DAİM AZƏRBAYCANA İŞİQ SAÇACAQ!"

FƏTTAH HEYDƏROV: "HEYDƏR ƏLİYEV NURU DAİM AZƏRBAYCANA İŞİQ SAÇACAQ!"
Tarix: 12-12-2017 | Saat: 11:06
Bölmə:M / Karusel / Gündəm | çapa göndər

Şirift ölçüsü:

12dekabr 2003-cü il Müasir Azərbaycan dövlətinin qurucusu, Ümummilli lider, dünya şöhrətli siyasətçi , dahi Heydər Əliyevin vəfatı günü olmaqla, artıq 14ildir ki, qədirbilən xalqımız və hökumətimiz tərəfindən yüksək səviyyədə anılır və əziz tutulur.
Respublika Ağsaqqallar Şurasının çoxsaylı üzvülərilə birgə, Şuraya sədrlik edən, Millət vəkili Fəttah Heydərov hər il olduğu kimi, bu ildə Ümummilli liderin əziz xatirəsinə həsr olunmuş geniş tədbir keçirmişdir.Tədbiri giriş sözü ilə açan Respublika Ağsaqqallar Şurasının sədri Fəttah Heydərov , Ümummilli liderimizin keçdiyi həyat yolundan söz açaraq onun hələ keşməkeşli Sovet dövrünün özünəməxsus çətinliklərinin fərqinə belə varmadan qətiyyətlə doğma xalqı naminə apardığı uğurlu siyasi dəsti xətti bir daha tədbir iştirakçılarının nəzərinə çatdırdı. Şuraya üzv olan regionlar üzrə Rayon və şəhər ağsaqqalarının da tədbirdə Ulu öndər haqqında söylədiyi bir sıra fikirlər xatirə gününün əsas müzakirə mövzusu idi.
Daha sonra Ağsaqqallar Şurasının sədrinin rəhbərliyi altında Şura üzvləri Fəxri Xiyabana gələrək Ulu öndərin məzarı üstünə tər qərənfil və gül-çiçək əklilləri düzərək bir daha Xalqımızın böyük oğlu,dahi Heydər Əliyevi böyük ehtiramla yad etdilər.
Anım mərasimi ilə bağlı bir sıra Televiziya və media qarşısında çıxış edən, Respublika Ağsaqqallar Şurasının sədri, Millət vəkili Fəttah Heydərov Ulu öndərlə bağlı silinməz və misilsiz xatirələrindən bəhs edərək bir sıra açıqlamalarla yadda qaldı.Belə ki, hələ Naxçıvan Muxtar Respublikasının o çətin siyasi dövrdə blokada şəraitində olan çətin iqtisadi-siyasi dövrü öz siyasi iradəsi ilə sinə gərərək çoxsaylı Naxçıvan əhalisinin sosial rifahına olan əngəlləri dəf etmişdir! " deyə Fəttah Heydərov ictimaiyyətin diqqətinə bir daha çatdırdı. Müstəqil Azərbaycanın üçrəngli Dövlət Bayrağının da Sovet təzyiqlərinə belə məhəl qoymayan, qüdrətli siyasi rəhbər dahi Heydər Əliyevin təşəbbüsü ilə məhz ilk olaraq Naxçıvanda dalğalanması böyük tarixi qələbədir deyən Fəttah Heydərov , bugün hər bir azərbaycanlının qəlbində Heydər Əliyevin Əbədi günəş kimi çıraq olduğunu qeyd etdi.
Eyni zamanda onu da bildirdi ki,
«Ümummilli liderimiz Heydər Əliyev bütün həyatını, varlığını mənsub olduğu doğma xalqına həsr edib. Dünya siyasətində böyük şəxsiyyətlər çoxdur. Amma xalqının tarixinə çevrilən, millətinin, dövlətinin adı çəkilən kimi yada düşən siyasi xadimlər nadirdir. Heydər Əliyev də, məhz, belə şəxsiyyətdir. Bu gün Ümummilli liderimizi xatırlayanda gözümüzün önündə canlanan ilk tablo da müstəqil Azərbaycandır».
F.Heydərov "Ulu öndər Heydər Əliyev o liderdir ki, xalqını, dövlətini böyük bir qaranlıqdan parlaq, işıqla günlərə çıxarıb " deyə əlavə etdi. Onun sözlərinə görə, Heydər Əliyevdə liderlik üçün bütün xüsusiyyətlər vardı.
«Ulu öndərimizin mərdliyi, qorxmazlığı, cəsarəti, qətiyyəti, yüksək tələbkarlığı, dövlətçilik, Azərbaycan xalqının rifahı uğrunda apardığı davamlı mübarizə buna misal göstərilə bilər. Bir sözlə, yüz illər ötsə də, Heydər Əliyev nuru daim Azərbaycana işıq saçacaq”. Heydər Əliyev İlahinin xalqımıza bəxş etdiyi işıqdır və bu işıq daim Azərbaycanın inkişaf yolunu parlaq edəcək!»- deyə, Fəttah Heydərov vurğuladı.
Xəyyam Qurbanlı