Polisin bıçaqlanması ilə bağlı cinayət işi açıldı

Polisin bıçaqlanması ilə bağlı cinayət işi açıldı - RƏSMİ
Tarix: 30-05-2020 | Saat: 19:02
Bölmə:Bütün xəbərlər / M / Karusel / Gündəm / Hadisə | çapa göndər

Şirift ölçüsü:

Mayın 30-da saat 11 radələrində Bərdə rayonunun Qaradəmirçi kənd sakini Vüsalə Cəfərovanın qardaşı Elçin Cəfərov tərəfindən döyülməsi barədə daxil olmuş məlumat əsasında dərhal rayon Polis Şöbəsinin əməkdaşları həmin ünvana gediblər.
Baş Prokurorluğun mətbuat xidmətindən verilən məlumata görə, polis əməkdaşları evin həyətyanı sahəsinə daxil olarkən Vüsalə azyaşlı övladı Fatimə ilə birlikdə onlara yaxınlaşan zaman Elçin Cəfərov əlindəki bıçaqla Vüsaləni təqib edərək ona kürək nahiyəsindən qəsdən 3 dəfə vurub bədən xəsarətləri yetirib, daha sonra xidməti vəzifəsini həyata keçirməklə Vüsalənin öldürülməsinin qarşısını alan polis əməkdaşı Eşqin Məmmədova da bıçaqla qəsdən bir zərbə vuraraq daxilə keçən deşilmiş-cırılmış xəsarət yetirib.
Elçin Cəfərov digər polis əməkdaşları tərəfindən zərərsizləşdirilərək saxlanılıb.
REKLAM

grandhayat.az
Daha ətraflı

Faktla bağlı Bərdə rayon prokurorluğunda Cinayət Məcəlləsinin 29, 120.1 (qəsdən adam öldürməyə cəhd), 126.1 (qəsdən sağlamlığa ağır zərər vurma) və 315.2-ci (hakimiyyət nümayəndələrinə həyat və sağlamlıq üçün təhlükəli olan zor tətbiq etmə) maddələri ilə cinayət işi başlanıb.
İş üzrə hadisə yerinə baxış keçirilməklə iş üçün əhəmiyyət kəsb edən maddi sübutlar götürülüb, müvafiq ekspertizalar təyin olunub, şahidlər dindirilib və digər zəruri prosessual hərəkətlər yerinə yetirilib.
Elçin Cəfərov Cinayət Məcəlləsinin qeyd edilən maddələri ilə nəzərdə tutulan cinayət əməlini törətməkdə şübhəli şəxs qismində tutularaq istintaqa cəlb olunub, müdafiəçinin iştirakı ilə dindirilərkən törətdiyi cinayəti etiraf edib.
Hadisədən dərhal sonra zərərçəkmiş şəxslər Bərdə rayon mərkəzi xəstəxanasına çatdırılmış və onlara ilkin tibbi yardım göstərilib.

Xəbəri paylaş

4428 dəfə oxunub.

Digər xəbərlər

9-01-2018, 09:42 Düşmən iriçaplı pulemyotlardan da istifadə etməklə atəşkəsi pozub

14-03-2017, 12:22 Xalq şairi Fikrət Qocanın oğlu döyülərək öldürülüb – ŞOK FAKT

23-02-2017, 20:27 Xanım futbol şərhçisindən qlamur – fotosessiya

23-11-2019, 19:07 Azərbaycanla İran arasında məhkumların ekstradisiyası olub

19-10-2018, 10:44 "Qarabağın futbolçusu Bakıda adam vurdu:"Hər iki ayağı..."

22-01-2019, 02:03 Mehman Hüseynov azadlığa çıxacaq

2-11-2018, 15:18 Xalq artisti Afaq Bəşirqızı "Gündən günə" verilişinin qonağı olub.

17-09-2016, 18:10 Günel qızını göstərdi - Foto

1-12-2018, 14:53 Bakıda dizel yanacağı ilə işləyən avtobuslardan imtina olunacaq