Tərtər rayonunun Buruc kəndində yaşayan Əliyeva Türkan Firdovsi qızı Tərtər Rayon İcra Hakimiyyətində qəribə suallarla rastlaşıb.
"Xeberaz.Az" BAXAR.AZ-a istinadla xəbər verir ki, ölkə başçısına müraciət edən Türkan Əliyevaya icra hakimiyyətindən cavab gəlib. O, icra hakimiyyətinə dəvət olunub və icra başçısı Müstəqim Məmmədov tərəfindən “Prezidentin baş-beynini niyə xarab edirsən?” sualı ilə rastlaşıb.
Hadisə ilə bağlı Türkan Əliyeva BAXAR.AZ-a açıqlama verib:
“May ayının 2-də ölkə başçısına məktub yazdım. İyunun 11-də mənə Tərtər Rayon İcra Hakimiyyətinin başçısının 1-ci müavinindən cavab gəldi ki, ünvanladığınız müraciətlə bağlı köməklik göstərmək mümkün deyil. Zəng etdim müavinə öz iradımı bildirməyə. Mənə dedi ki, telefon söhbəti deyil, gəl icra hakimiyyətinə. Özünə də dedim ki, şəraiti olmayan evdə yaşayıram. Uşaqlarımın sağlamlığına təsir edir. Sonra orada olan xanım mənə telefonu verdi ki, icra başçısı Müstəqim Məmmədov sizinlə danışmaq istəyir.
Müstəqim Məmmədov mənə “Məndən nə istəyirsən, sən bilmirdin ki, ailə quranda həyat yoldaşın kasıbdır, neçə il sonra uşağın olub?” kimi suallar verdi.
Mən ölkə başçımız İlham Əliyevə yenidən müraciət edəcəyimi deyəndə mənə Müstəqim Məmmədov dedi ki, niyə İlham Əliyevin baş-beynini ağrıdırsan?”
Müstəqim Məmmədov isə KİV-ə açıqlamasında Türkan Əliyevanın Ümid Partiyasının üzvü olduğunu deyərək, vətəndaşın problemini həll etməyi yaddan çıxarıb.
Açıqlamasında Ümid Partiyası sədrinin təbliğat-təşviqat məsələləri üzrə müavini Tamilla Qulami Türkan Əliyevanı tanıdığını və onun sosial-iqtisadi vəziyyətinin yaxşılaşdırılması üçün addımlar atdığını qeyd edib:
“Parlament seçkiləri dönəmində mən hər kəndi qarış-qarış gəzib insanların problemlərini dinləmişəm. Eləcə də, Türkan xanımgilin evində olmuşam. Problemi işıqlandırdım və adının çəkilməsini istəməyən bir şəxs ailəyə müəyyən qədər kömək də etdi. Tərtərdə parlament seçkilərində total saxtakarlığın olması səbəbindən qalib gələ bilmədim. Lakin Tərtərdə yaşayan insanlar bu gün də mənə müraciət ünvanlayır. Onlara bacardığım qədər dəstək olmağa çalışıram. Tək mən yox, Ümid Partiyasının digər üzvləri də vətəndaşlarla işləyirlər. Vətəndaşın probleminin həlli istiqamətində addımlar atırlar.
Türkan xanım Ümid Partiyasının üzvü deyil. Lakin üzv deyil deyə ona kömək etməməliyik? Yoxsa, Müstəqim Məmmədov ancaq YAP-ın üzvlərinə kömək edir? Əgər, belədirsə, bu səhv yanaşmadır.
Ümid Partiyası olaraq hakimiyyətə gəldiyimiz zaman vətəndaşın hansı partiyadan olmasından asılı olmayaraq hər birinə eyni səviyyədə yanaşacayıq. O zaman vətəndaş hiss edəcək ki, müstəqil Azərbaycanda yaşayır.”
Qeyd edək ki, Tərtərin bir qrup sakini su, örüş torpaqlarının olmamasından əziyyət çəkir. Dəfələrlə piket, aksiya keçirmələrinə rəğmən problemləri həll olunmur. Tərtərdə örüş torpaqlarının Müstəqim Məmmədov tərəfindən zəbt olunduğu da deyilir. Müstəqim Məmmədovun adı isə tez-tez mal-qara saxlamaqda hallanır.
Sən bilmirdin ki, ailə quranda həyat yoldaşın kasıbdır?- İCRA BAŞÇISINDAN VƏTƏNDAŞA İNANILMAZ SÖZLƏR
Tarix: 03-07-2020 | Saat: 12:48
Bölmə:Bütün xəbərlər / M / Karusel / Siyasət / Gündəm / Müsahibə | çapa göndər
Xəbəri paylaş
1 2418 dəfə oxunub.
Digər xəbərlər
Tarix: 03-07-2020 | Saat: 12:48
Bölmə:Bütün xəbərlər / M / Karusel / Siyasət / Gündəm / Müsahibə | çapa göndər
Xəbəri paylaş
Digər xəbərlər
11-09-2016, 11:56
İş adamının evdən qaçan arvadı: “Məni ütü ilə yandırırdı, qapını arxadan bağlayıb, sonra...” - FOTO
24-04-2022, 12:15
Zelenskinin Baku TV-nin müxbirinə CAVABI: “Azərbaycanın dəstəyini hər zaman hiss etmişik” - VİDEO
5-11-2016, 12:04
“Neftçi” “İnter”ə qarşı, “Kəpəz” “Sumqayıt”ı qonaq edir
14-06-2016, 20:17
MƏŞHUR APARICI 2 İLLİK SUSQUNLUĞUNU POZACAQ –FOTOLAR
19-01-2017, 19:37
28 yaşlı qızın xərçənglə bağlı ixtirası dünyanı şoka saldı
4-05-2016, 19:27
İlham Əliyev “Azəravtoyol”a 5,2 milyon ayırdı
16-09-2017, 13:44
Azərbaycanda toya gedən ailə dəhşət yaşadı: 2 UŞAQ ÖLDÜ - GÖRÜNTÜLƏR
30-04-2017, 14:15
Azərbaycanda pambıq tarlasında faciə: Ölən var
20-05-2020, 13:54
Tələbələrin davamiyyət limiti ləğv edildi